Partner Ufficiali
I Vini di Perdipiave
Abbigliamento
Partner tecnici
Media partner
Riprese video e
post-produzione
Giacomo Noventa
Un giorno o l'altro mi tornarò,
no' vùi tra zénte strània morir,
un giorno o l'altro mi tornarò
nel me paese.
Dentro le pière che i gà inalzà
su le rovine, mi çercarò,
dentro le pière che i gà inalzà, le vecie case.
Sarò pai zóveni un forestier,
che varda dove che i altri passa,
sarò pai zóveni un forestier,
no' lori a mi.
Carghi dei sogni dei me vint'ani,
vedrò i burci partir ancora,
carghi dei sogni dei me vint'ani,
dal Piave al mar.
Cussì che in ultimo mi no' starò,
coi altri vèci intorno al fògo,
cussì che in ultimo mi no' starò
a dir "noialtri...".
E a un dei tósi che andarà via,
voltando i òci de nòvo al porto,
e a un dei tósi che andarà via,
ghe darò el cuor.
Lug. 26th | Posted by Perdipiave 0 comments
0 comments Commenta